2 மணி நேரம் வரிசையில் நின்றேன்!: தொகுப்பாளர் டிடி

தமிழகத்தில் மொத்தம் உள்ள 234 சட்டப்பேரவைத் தொகுதிகளில் 232 தொகுதிகளுக்கு இன்று வாக்குப்பதிவு நடைபெற்று வருகிறது. இந்தத் தேர்தலில் வாக்களித்த தொகுப்பாளர் டிடி தனது அனுபவத்தை ட்விட்டரில் பகிர்ந்துகொண்டார். அதில் அவர் கூறியதாவது:

ஓட்டு போட்டாச்சு. 2 மணி நேரம் வரிசையில் நின்றேன். அண்ணா நகர் தொகுதி மக்கள் அசத்தியிருக்கிறார்கள்.

வயதானவர்கள் வரிசையில் நிற்கவேண்டியதில்லை. இது எனக்குத் தெரியாமல் போய்விட்டது. என் அம்மாவும் என்னுடன் நீண்ட நேரம் வரிசையில் நின்றார்கள். தகவல் தெரிந்தபிறகு, அவரை அழைத்துக்கொண்டு போய் வாக்களிக்கவைத்தேன். பிறகு வரிசையில் மீண்டும் நின்று வாக்களித்தேன். இந்தத் தகவலை உங்கள் வரிசையில் நிற்கும் வயதானவர்களுக்கு எடுத்துச் சொல்லி உதவுங்கள் என்று கூறியுள்ளார்.